Lisitasjónsúrslit: TN-Bygging átti lægsta boðið

Annfinnur Heinesen Føroya Fólkaháskúli, Karl Vang, Landsverk og Heðin Poulsen frá TN-Bygging sum áttu lægsta boðið

Hósdagin 16.juli var lisitatión á Føroya Fólkaháskúla, í sambandi við, at skúlin skal hava nýggja tekju.

Tríggjar fyritøkur vóru á staðnum og lótu inn fylgjandi tilboð:

Arbeiðstakari  Arbeiði Tilboð Alternativ  Tilboð 
TN Bygging Høvuðsarbeiðstøka cembrit tekja  1.917.665  Alu tekja  1.800.000
ÁTS Høvuðsarbeiðstøka cembrit tekja 1.977.612
Húsavarðartænastan Høvuðsarbeiðstøka cembrit tekja 2.852.785 Alu tekja 2.695.385

Landsverk og Føroya Fólkaháskúli fara nú at gjøgnumganga innkomnu tilboðini, so sáttmáli kann skrivast og arbeiðið kann fara í gongd skjótast gjørligt.

Leitar tú eftir tær sjálvum?

Leitar tú eftir tær sjálvum?

Tú ert á Føroya Fólkaháskúla.

Tú veitst tað bara ikki enn….

Ert tú forvitin eftir at royna okkurt nýtt og spennandi? Vilt tú sleppa at brúka og menna tíni skapandi evni? Ert tú arbeiðsleys/ur ella skúlatroytt/ur? Vilt tú sleppa burtur heimanifrá? Men ikki heilt út í heim? Ert tú liðug/ur við miðnámsskúla? Ella tímur tú ikki í miðnámsskúla? Slapp tú ikki inn á dreyma-útbúgvingina? Ella veitst tú bara ikki hvat tú ætlar?

Vilt tú royna ein ØÐRVÌSI skúla, sum er stuttligur, spennandi og mennandi?

So skalt tú tekna teg til Heystskeiðið hjá Føroya Fólkaháskúla, sum verður frá 3.sept. til 17.des. Continue reading

Stuðlið Háskúlanum – Keypið prent ella fløgur

hanus

Fyri at stuðla Háskúlanum hevur Hanus G. Johansen latið fleiri eintøk av fløguni  “Eitt blað eg á kann skriva”, við orðum eftir Hans Jákup Glerfoss og løgum eftir Hanus G Johansen.

Keyp eina fløgu fyri 100 krónur – ella ein pakka við 30 fløgum fyri einans 1500 krónur.

Sjálvandi eru tit vælkomin at lata meir :-)

Skriva til haskulin@haskulin.fo, ella ringið 311743.

IMG_13w90

Bárður Jákupsson hevur stuðlað Háskúlanum við hesum sera vøkru prentum.

Tey kosta 1500 kr. stykkið. Men tit eru sjálvandi vælkomin at lata meir.

Peningurin fer óskerdur til nýggju tekjuna.

Skrivið til haskulin@haskulin.fo, ella ringið 311743.

Føroya Fólkaháskúlafelag – Ólavsøkufundir í 103 ár

10536913_10152414848779635_4219755918192281827_n

Aftur í ár verður fólkafundur á Háskúlanun eftir kappróðurin 28. juli. Fundurin er klokkan 17.30.

Í ár er tað Hansina Iversen, listakvinna, sum heldur røðu. Eisini verður felagssangur og føroyskur dansur, umframt at ein biti verður at fáa.

Tað var 28. juli 1912, at Háskúlafelagið var stovnað við umleið 100 limum. Felagið hevur havt stóra undirtøku kring alt landið, og limatalið hevur verið væl yvir 1000, tá ið undirtøkan var størst.

Líka síðani stovnandi aðalfundin á ólavsøku 1912 hevur Føroya Fólkaháskúlafelag skipað fyri fólkafundi á háskúlanum ólavsøkuaftan.

Fólkafundurin er almennur, og háskúlafelagið vónar at síggja nógv fólk. Til ber eisini hjá nýggjum limum at tekna seg umframt at stuðla innsamlingini til frama fyri umvælingar á Háskúlanum.

Vinaliga

Nevndin fyri Føroya Fólkaháskúlafelag