- Hetta tiltak er liðugt.
FULLTEKNAÐ: Meg minnist – skriva tínar endurminningar
3. Mai kl 16.30 - 5. Mai kl 16.00
1100DKK – 1800DKK
Tíð og stað
3.-5. mai 2024.
Føroya Fólkaháskúli, Háskúlavegur 14, 100 Tórshavn.
Kostnaður
1800 kr (Við í prísinum: Undirvísing, gisting, tilfar)
1100 kr fyri ung (til og við 24 ár)
Undirvísari
Rigmor Restorff Dam, lærari og søgufrøðingur, fyrrverandi tíðindakvinna, samskiftistráðgevi og ting- og landsstýriskvinna
Skeiðslýsing
Eykaskeið vegna stóran eftirspurning.
Skeiðið er fyri teg, sum vilt hava gongd á at skriva tínar endurminningar – ella kanska tína lívssøgu.
Vit viðgera endurminningar sum tekstaslag, og spyrja, hvat eru minnir, og hvussu er við trúvirðinum? Hvør er móttakari, og hvussu savnar og skipar tú tilfarið? Eisini fært tú amboð at menna egið skrivingarlag, og hugskot til málsligar snildir. Vit hoyra kend dømi um endurminningar, og tey, sum hava hug, kunnu lesa upp og fáa/geva afturboðan.
Øll eru vælkomin – eisini tú, sum ikki dugir so væl at stava, og tú, sum ikki hevur skrivað nakað fyrr. Málið verður føroyskt. Hav skriviamboð við, antin blýant/skrivibók ella teldu.
Stundir verða eisini til sosiala samveru, søgu- og sangløtur.
Skrá
Fríggjadagin 3. mai kl. 16.30 til 21.30
Leygardagin 4. mai kl. 10.00 til 17.00 og hugnakvøld
Sunnudagin 5. mai kl. 10.00 til 16.00
Støði
Øll eru vælkomin.
______________________________________________________________________________________________________
Øll sum eru fylt 15 ár eru vælkomin at tekna seg, roynd sum óroynd. Vit gera vart við, at Háskúlin hevur trappur og hurðarnar eru ov smalar til koyristólar. Um serlig ynski eru til kostin, royna vit at ganga teimum á møti.
Eisini er gjørligt at geva eitt skeið sum gávu. Skriva “gávukort” undir serlig ynski, tá tú meldar til.