- Hetta tiltak er liðugt.
VIKUSKIFTISSKEIÐ: Myndaveving
5. Apríl kl 16.30 - 7. Apríl kl 16.00
1100DKK – 1800DKK
Tíð og stað
5. – 7. apríl 2024.
Føroya Fólkaháskúli, Háskúlavegur 14, 100 Tórshavn.
Kostnaður
1800 kr (Við í prísinum: Undirvísing, gisting, tilfar)
1100 kr fyri ung (til og við 24 ár)
Undirvísari
Gina Hedegaard Nielsen hevur – umframt útbúgving sum myndalistafólk – verið í meistaralæru á vevstovu. Hon arbeiðir sum tekstil- og myndlistafólk við egnum verkstaði og hevur meira enn 35 ára royndir sum undirvísari.
Gina hevur verið forkvinna fyri “Danske Kunsthåndværkere” og síðani 1982 verið nevndarlimur í ”Dansk Tekstillaug – væv, tryk og broderi”. Hon hevur síðani 1987 verið ritstjóri á tíðarritinum ”Rapporter – fra tekstilernes verden”, og saman við øðrum ritstjórnað fleiri vevbøkur m.a. ”Tekstilkunst i Danmark 2008-2018”.
Skeiðslýsing
Náttúra og landslagsmyndir
Lær at skapa myndir við myndaveving og lat náttúruna geva tær íblástur til myndevni. Á hesum skeiðnum lærir tú at brúka liteffekt og linjuperspektiv, til at draga fram formar í myndavevingini og á henda hátt lýsa myndevni.
Skrá
Fríggjadagin 5. apríl kl. 16.30 til 21.30brúka
Leygardagin 6. apríl kl. 10.00 til 17.00
Sunnudagin 7. apríl kl. 10.00 til 16.00
Støði
Skeiðið í myndaveving er bæði fyri óroyndar og royndar vevarar.
______________________________________________________________________________________________________
Øll sum eru fylt 15 ár eru vælkomin at tekna seg, roynd sum óroynd. Vit gera vart við, at Háskúlin hevur trappur og hurðarnar eru ov smalar til koyristólar. Um serlig ynski eru til kostin, royna vit at ganga teimum á møti.
Eisini er gjørligt at geva eitt skeið sum gávu. Skriva “gávukort” undir serlig ynski, tá tú meldar til.