Myndlistahølið er eitt veruligt arbeiðsverkstað við góðum møguleikum at royna seg. Her finnur tú alt, tú hevur brúk fyri – blýantar, kol, tússjir, penslar, akrylmáling, akvarell, pappír og mangt annað. Vit hava eisini skurðamboð, arbeiðsborð og ymisk tilfar til at forma og byggja við.

Á heystskeiðinum fær hvør næmingur sítt egna arbeiðsborð. Tað merkir, at tú kanst hava títt egna arbeiðspláss, lata verk og tilfar liggja frammi og koma aftur til arbeiðið, júst har tú slepti.