TEKNING OG AKVAREL VIÐ BARBARU HILDUBERG
Tíð og stað
24. – 26. Apríl 2026.
1800 kr
1100 kr fyri ung (til og við 25 ár)
Føroya Fólkaháskúli, Háskúlavegur 14, 100 Tórshavn.
Skeiðslýsing
Kundi tú hugsað tær at teknað og málað við vatnlitum – eisini hóast tú møguliga ongar royndir hevur við hesum?
So kom á vikuskiftisskeið á Háskúlanum, og lær teg grundleggjandi teknikkir innan júst hesar myndlistagreinar.
Á skeiðnum “læra vit okkum at síggja” – vit tekna eftir ymiskum lutum, og fáa frálæru í perspektivi, ljósi, skugga og kompositión. Eisini læra vit – við vatni og varligum penslastrokum, at geva tekningum lív og sereyðkennir við akvarel. Flótandi akvarelmálingin tekur tíð at læra; hon “hevur sítt egna lív”, og er tað júst hetta, ið ger hana so øðrvísi og áhugaverda at arbeiða við.
Á skeiðnum verður dentur lagdur á góða felagsskapin; vit hugna okkum saman, og stuðla hvørjum øðrum í allari tilgongdini.
Støði
Øll hava møguleika fyri at luttaka á skeiðnum – roynd sum óroynd.